Zorrotzak muriskak dira, baina jauzi bertikalean egin beharrean, aurrera, atzera edo alboetara egiten dira. Aurrerako eta atzerako zorrotzak elkarren osagarriak dira, eta bakoitza urrats osotzat eta elkarrekin lotu gabe erabil badaiteke ere, arrunta da bata bestearen atzetik ematea, segida bezala.
Hasierako posiziotik abiatuta, ezkerreko oinarekin txingo egin eta eskuineko oina luzatuta ateratzen da aurreruntz. Eskuineko oina airean dagoela eta ezkerreko oinarekin demi-plié eginda, jauzi egin: ezkerreko hankak eskuineko hanka azpitik jo behar du eta ondoren gainetik. Eskuineko oina jaitsi behar da lurrera eta ezkerrekoa ongi luzatuta airean utzi.
Aurrerako txorrotxa egiten da modu onetan:
Eskuiko oña altxatu ta puntaz beera txit aurrerontz luzaturik daukala, jo bear du ezkerrekoarekin aurrena azpian, eta gero gañean; eta eskuikoa lurrean ifintearekin batean, arrotu bear du ezkerrekoa al duen guzia aurrerontz, pizkortasun aundiarekin.