Oinen mugimenduari dagokionez, aurreruntz egindako zorrotza bezalakoa da eskuineko muriska, baina aurreruntz egin beharrean, albo batera, eskuineko aldera egin behar da muriska. Hasierako posiziotik abiatuta, ezkerreko oinarekin txingo egin eta eskuineko oina luzatuta ateratzen da zuzen-zuzen eskuinera.
Eskuineko oina airean dagoela eta ezkerreko oinarekin demi-plié eginez jauzi egin: ezkerreko oinarekin eskuineko hanka azpitik jo behar du eta ondoren gainetik. Eskuineko oina lurrera jaitsi eta ezkerrekoa ongi luzatuta eta ezkerreruntz aterata utzi behar da airean.
Zearrerako muriska edo kabriola eskuiko alderakoa, egiten da onela:
Zearka edo saieska egin bear du kabriola eskuiko aldera, aurrerako txorrotxa egiten duen gisa berberean, oñ biak eskuirontz txit luzaturik, eta gorputza ezkerrerontz makurtzen duela.