Gainontzeko lasterkak bezala, lasterka oin-punta orpo jirakoak ere, dantzaria aurrera begira dagoela alboetara mugituz, edota dantzariaren ardatzaren inguruan itzuli eginez dantza daitezke. Lasterka oin-punta orpo jirakoa eskuinera egitean, eskuinera jiratu behar da eta ezkerrera egitean, ezkerrerantz. Urratsaren gainontzeko mugimendu guztiak lasterka oin-punta orpo arruntaren berberak dira.

Lauarinean azaltzen den bezala oso garrantzitsua da lasterka oin-punta orpo jirakoa zuzen gauzatzeko urratsaren erdian dagoen oin-gurutzatzea ongi egitea. Eskuinera egindako lasterka oin-punta orpo jirakoan, ezkerreko oina eskuinaren aurretik ongi gurutzatu behar da.