Dantzaria hasierako posizioan dagoela, borobilak marraztu behar dira lurrean oinarekin. Borobilak geldi dagoen oinaren ondotik hasi, orkatila eta punta luzatuz aurretik pasa eta kanporantz egiten dira. Ahalik eta borobil handienak egin behar dira, baina belaunik tolestu gabe. Lurreko gurpilak egiteko hautatzen den musika zatian ahalik eta gurpil gehien egin behar dira; Beraz, gurpilak azkar egiten saiatu behar du dantzariak gorputzaren orekarik galdu gabe.

Eskuineko oinarekin zein ezkerrekoarekin egiten dira lurreko gurpilak .

Bideoan ikus daitezkeen lurreko gurpilak azkartasuna lantzeko ariketa bezala eginda daude.