Belauneko gurpila egiten den aldi berean gorputza bere ardatzaren inguruan jiratzen denean osatzen da belauneko gurpil jirakoa. Lurrean geratuko den oinaren txingo batekin hasten da urratsa, segidan beste zangoaren belauna altxatu eta belauneko gurpila egiten hasten da. Lurrean dagoen hankaren gainean egindako hiru txingok lagunduta, jira osoa ematen zaio gorputzari eta airean dagoen hankak belauneko gurpilak eginez jarraitzen du berriz ere gorputza aurrera begira geratu arte.

Ezkerrera zein eskuinera egin daiteke belauneko gurpil jirakoa. Ezkerrera egiteko, ezkerreko oinarekin egiten da txingoa eta eskuineko zangoarekin belauneko gurpilak. Eskuinera egiteko, eskuineko oinarekin egiten da txingoa eta ezkerreko zangoarekin belauneko gurpilak.