|
|
|
|
|
|
 |
 Lasterka gehiagotua Iztuetak deskribatzen du, baina ez da tradizioz iritsi. Iztuetak deskribatzen duenaren interpretazio bat egin da. Lasterka baten denboran, lasterka bat eta muriska bat egin behar dira. Ez da tradizioz iritsitako dantza ereduetan maiz egiten den lasterka gehi muriska konbinazioa. Kasu honetan lasterka muriskarekin da, hau da, muriska lasterka amaitu aurretik egin behar da. Iztuetak muriska erdiak egin behar direla dio, baina aipatzen dituen muriska horiek sortzen dituen zalantzak direla eta, muriska osoa egitea proposatzen da.
Beraz, eskuinerako lasterka egiten hasi eta oinen gurutzea egiten den unean, ezkerreko oina eskuinaren aurretik gurutzatuta dagoela, jauzi egin eta muriska oso bat eginez, eskuina aurrean duela eroriko da lurrera dantzaria, ezkerreranzko lasterka edo beste edozein urrats egiteko prest. Horixe da proposatzen den lasterka gehiagotua eskuinera eta beste horrenbeste litzateteke ezkerrerantz egin beharrekoa, lasterka gehiagotua ezkerrantz dantzatzeko.
 |  |  |  |  |  | Laisterka geiagotuak edo karrera añadituak egiten dirade onela:
Karrera geiagotua edo añaditua egiteko lendabizi egin bear du senzilloa, esan deran bezala, eta orduan añaditzen da, kabriola erdi, goien erakutsi ditudanakin. Kabriola erdi oek egin bear ditu eskuiko aldeko karrera añaditzean, lendabizi ezkerreko oña gañetik, eta eskuikoa azpitik dituela; eta gero eskuikoa gañetik, eta ezkerrekoa azpitik lurrean ifinten dituela, esanik daukadan bezala. Baña ezkerreko aldeko karrera añaditzean, egin bear ditu, aurrena eskuiko oña gañetik, eta ezkerrekoa azpitik dituela, eta gero ezkerrekoa gañetik, eta eskuikoa azpitik dituela lurrean jartzen dala. |  |  |  |  |
|
| |
|
|
|
 |
