Tresnak erabiltzen diren joko-dantzetan (makila txikiena, makila handiena, brokel makilena, uztai txikiena, zinta-dantza) antzeko egitura eskainiko da proposamen honetan. Buruzagiaren bakarkako saioa, taldeak dantzatuko duen zortzikoa, eta tresnak elkar joz egingo den jokoa.

Makila txikienaren jokoaren aurretik egiten den zortzikoan, sentziloa muriskarekin borobildu ohi da. Iztuetak makila handien jokoaren aurretik aipatzen zuen Zortcico 40 murisca edo cabriolacoa izan liteke hau.