San Bartolome egunean, abuztuaren 24an, egiten da Elgoibarren soka-dantza. Herriko patroiaren jai eguna da eta meza nagusiaren ondoren plazaratzen da soka-dantza. Alkateak atera ohi du soka eta plazari itzulia egin ondoren aurreskulariak hartzen du sokaren gidaritza. Haritz euskal dantzari taldea arduratzen da soka-dantza egiteaz eta talde horretako 14-20 bikotek dantzatu ohi dute.