San Joan egunean, eguerdian, berritzen da Andoainen dantza eta jokoa biltzen dituen tradizio hau. Hainbat zati ditu ospakizunak, dantzak eta jokoak tartean: paseoa, aitarena, axeri-dantza, orratzarena, illetiana, perre jartzea eta dorrea. Bukaeran soka-dantza bat dantzatu ohi dute. Jokoa zenbait unetan bortitza gertatzen da. Ez dago dantzari kopuru zehatzik. Adunako dantza maisuekin ikasitakoa da Andoainen egiten den Axeri-dantza eta beraz, Adunakoarekin antzekotasun handiak ditu.

Ekainaren 23an, San Joan bezperan, soka-dantza egin ohi da Andoainen. Arratsaldeko 20.00etan Goikoplazan izaten da eta alkateak ateratzen du udal-batzak osatutako soka plazara. San Joan egunean ere, Axeri-dantzaren ondoren egin ohi da soka-dantza.