Santa Ana egunean, uztailaren 26an, agintarien soka-dantza egiten dute Ordizian. Udal-batzak osatzen du soka eta 11.00etako meza nagusiaren ondoren egin ohi dute soka-dantza Plaza Nagusian. Uztailaren 27an, Santa Ana ondoko egunean, egiten da Ordizian santaneroen esku-dantza edo aurreskua. 11.00etako meza nagusiaren ondoren, 12.00etan, Plaza Nagusian egin ohi da. Urtean ezkondutako bikoteek dantzatzen dute soka-dantza hau. Alkateak ateratzen du soka plazara eta ondoren aurreskulariak gidatuko du dantza. Gizonezkoek osatzen dute lehen soka eta emakumeek soka-dantzarekin plazaratzen doaz. Aipatzekoa da emakumeek eraman ohi duten zapi ederra, "mantón de Manila" izenekoa. FERNANDEZ DE LARRINOA, Kepa Calendario de fiestas y danzas tradicionales en el País Vasco, Eusko Jaurlaritza, Vitoria-Gasteiz, 2003. Calendario de fiestas y danzas tradicionales en el País Vasco | FERNANDEZ DE LARRINOA, Kepa | Eusko Jaurlaritza, Vitoria-Gasteiz, 2003 | |
|