Loinatz-eko ezpata-dantzA | Igokunde egunaren ondoko astelehenean ospatzen da Beasain-en, Loinatz-eko San Martinen ohorezko meza, prozesioa eta ezpata-dantza. Ezpata-dantza dozena bat mutil gaztetxok egiten dute. Bakoitzak bi ezpata txiki dauzka eta aurrean buruzagi makila daraman buruzagia dute. Dantzariak, udal-batzarekin batera, udaletxetik ateratzen dira eta Beasaingo parrokiaren atarian ezpata-dantza egiten dute. Ondoren prozesioan Loinatz-eko San Martinen elizaraino joango dira eta bertan, meza aurretik eta meza ondoren, egiten dute ezpata-dantza. Azkenik, berriz ere prozesioan itzuliko dira Beasaingo parrokiara eta santuak erretiratu aurretik azken ezpata-dantza egingo dute. Loinatz egunean, arratsaldez agintarien dantza-soka egiten da. Udal-batzak egiten du, eta Aurtzaka dantza taldeko dantzariek egiten dituzte aurresku eta atzesku lanak. Ezpata-dantzaren biharamunean, asteartean, haurren dantza-soka egiten dute ezpata-dantzan parte hartu duten dantzariek. Deialdi irekia egiten da eta izen ematen duten umeekin prestatzen da soka-dantza hau. Arratsaldean helduen dantza-soka egiten da. Bat-bateko dantza-soka da, aldez aurretik prestatu gabekoa eta kale jantzita dantzatzen da. Calendario de fiestas y danzas tradicionales en el PaĆs Vasco | FERNANDEZ DE LARRINOA, Kepa | Eusko Jaurlaritza, Vitoria-Gasteiz, 2003 | | Dantzak Beasainen: Aurtzakak 25 urte | AURTZAKA DANTZA TALDEA | Beasaingo Udala, Beasain, 2004 | |
|